لاقلتلك خلني تكفا تخليني = النفس ضاقت وتعرف من مضيقها
ماني بحاجة علومك لو تسليني=بعّد عن العين واحسن لو تفارقها
لاضقت انا حتى روحي ما تدانيني=واليا هدا البال غربها وشرقها
لو غيرك حرام انه يحاكيني=لو كان كل الدروب البيض يطرقها
تدري وش اللي ذبحني والبلا فيني= بعرف عروق الغلا وشلون تسرقها
يمكن تكون الخيانه من شراييني=والا حظوظك يجوز الله موفقها
ماقلت لحدٍ سوى امي يابعد عيني=وشلون خليتني لعيونك انطقها
ياروحْ روحي ياقلبي يابساتيني=يابسمة العين ليه العين ترهقها
والله من زود حبك صنت رجليني=ماشفتني يوم اسوق الرجل وافهقها
انا بصفك واضيع وانشدك ويني=وشلون لارحت جدراني اصفقها
ماتدري اني شريتك يوم تشريني=عشان حبك ابيع الخلق واحرقها
ارجوك لا شفتني ضايق تخليني=واليا هدا البال غربها وشرقها

هذي القصيده من اجمل ماكتبه الشاعر عبدالكريم الجباري

صح لسااانه

وتسلم يدك ياخوي عبدالعزيز والله يعطيك العافيه