أنا بيتي هدمته من فعل يمناي هديته=وأنا تايه وأنا ضايع وتو العقل صحاني
هواء نفسي مضيعني وأنا بالدرب خاويته=طريق إبليس دهورني وشب النار وأغواني
أنا الجاني على نفسي بغيت الدرب وأخطيته=بغيت أكحل أعيوني ولكن كحلها أعماني
قبلها مشرقِ نوري وجيت النور و أطفيته=وعين الحسد صابتني حشا لله وش جاني
قعدت أصفق أيديني حسافه عمري أنهيته=يعذبني ضميري كل ما أذكر ماضي أزماني
رفيق السوء بسمومه هلاك الجسم سميته=تعاطيت المخدر واعتزلت أهلي مع أخواني
حشيش حبوب مع الهروين حتى الشم شميته=أحسبني ملكت الكون وأثر الكون عزاني
ونها يتها عشر سنين وسط السجن قضيته=وراء البيبان آهاتي وسط زنزانة وقضباني
ضحك لي وقتي الخائن غدر بي يوم ما شيته=سقاني سمه القاتل ذبحني يومه أسقاني
دفعت له الثمن غالي وهاجر صاحبي بيته=دفعت له الثمن غالي عطيته قرة أعياني
شريكة عمري وروحي عليها الدمع هليته=شريكة روحي وعمري حياتي وأم ورعاني
تحفظ العرض وتصونه وفيها العقل حليته=وفيها الزين كملها ملاك الحسن فتاني
يا شين البيت من دونك يضيق الصدر لا جيته=جداي أجاذب الونه وعقلي صابه أجناني
تذكرني زوايا البيت معاها بوقتِ أمضيته=هنا نمزح هنا نضحك وهناك ألعاب بزراني
هنا حمود يذكرني طلب ريال وأعطيته=ويروح يقول لإخوانه شوفوا أبوي أعطاني
ويجي خالد ومعه أشواق ومثل حمود ساويته=وهنا أشواق تذكرني علام الشوق زعلاني
أنا أشواق أبي عشره وشو ريال مديته=أنا دلوعتك بابا وأنا أفرق عن أخواني
هنا أصرخ هنا أبكي وأحس البيت هزيته=هنا الموت تمنيته مائة مره ولاجاني
حزن وجروح وجنون الليل حاتاني وحاتيته=تصور لي بخيالي أوحوش تكشر لي بنيباني
عدد هن أربعه والشكل مرعب يوم راعيته=كوابيس الحلوم اللي تخيلي بجدراني
ومن نزف الجروح رسالتي بالدم خطيته=نصيحه يالفهيم أفهم رفيق السوء شيطاني
نصيحة مدمنِ تائب وصديق السوء عاديته=وعليك بصحبة الطيب ولو أنه من بلد ثاني
رفيق السوء نافخ كير حرق ثوبي بكبر يته=ورفيق الطيب الصالح كحامل مسك وريحاني
فمان الله يا أغلى الناس وأغلا شخص حبيته=يا بنت العم ما غيرك بوسط القلب سكاني
رحلتي بس لك ذكرى صداها حيل ضميته=أنا يا كيف أبصبر يا حاتي وأكتم أحزاني
ترى الفرقا له جرح بوسط القلب عانيته=وأنا قلبي من الفرقا مريض وصار تعباني
عسى ربي يرد الي بعالي الصوت ناديته=علي نذرِ لعيّد له بوسط البيت لاجاني
ونطوي صفحة الماضي وينور بيتنا ليته=وجمع الشمل يا زينه مابين أهلي وخلاني
حكاية مدمنِ تائب وأنا بالشعر جاريته=على لسانه كتبت الشعر وفيها صح الله ألساني

فمان الله يا أغلى الناس وأغـلا شخـص حبيتـه


يـا بنـت العـم مـا غيـرك بوسـط القلـب سكانـي




رحلتـي بـس لـك ذكـرى صداهـا حيـل ضميـتـه


أنـا يـا كيـف أبصبـر يـا حاتـي وأكتـم أحـزانـي




تـرى الفرقـا لـه جـرح بـوسـط القـلـب عانيـتـه


وأنـا قلبـي مـن الفرقـا مريـض وصـار تعبانـي

صح لسانك وصح منطوقك

جزاك الله خير يابعدي وعسى الله يكثر من امثالك

جزله من جزل

ووافيه من وافي

لاهنت

المشاركة الأصلية كتبت بواسطة مشعل بن غازي صح لسانك وصح منطوقك جزاك الله خير يابعدي وعسى الله يكثر من امثالك جزله من جزل ووافيه من وافي لاهنت

المشاركة الأصلية كتبت بواسطة نبهانى مطنوخ صح السانك ولا هنت طال عمرك موفق بإذن الله ... لك مني أجمل تحية .

المشاركة الأصلية كتبت بواسطة مشعل الضوي صح السانك ياماجد والله لايحرمك اجر لم شمل عائلة المتعاطي التائب وكثر الله من امثالك يالغالي !!

المشاركة الأصلية كتبت بواسطة حمد بن دبشي ياحتار الرد على موضوعك بما يقول لكن كل اللي اقدر اقوله لك: صح الله لسانك ولاهنت واعجابي بالقصيدة سامي وليس له وصف تقبل مروي المتواضع ولك جزيـل الشكر ولايحرمك الأجر انشاءالله