بديـت بإسـم الله عزيـز الجلالـي=الواحد المعبـود منشـي الخيالـي
عالم دبيب النمـل بصـم الجبالـي=محيي هشيم القـاع عالـم اسـراره
تم بعد ذكـر الله كتبـت القصيـده=من شاعرآ قال الشعر من حصيـده
والشعر اصونه وحتفظ في رصيـده=والله وهبني الشعـر واخـذ خيـاره
وهـذي نصيحـه للوجيـه الفليحـه=اقولهـا بكـل كلـمـه فصيـحـه
صريح ولي با لقلب نيـه صريحـه=والله يقدرنـي ابكـتـب العـبـاره
وعنوانها بأ سم الثـلاث الخطيـره=الـدش والجـوال وانـت طـيـره
في كل بيـت وكـل دارآ سطيـره=كلـن عليهـن دق طبلـه وطـاره
الـدش والجـوال والنـت معـهـن=في مجتمعنأ لأ غنى اليـوم عنهـن
مافيه بيت الـى الثلاثـه جمعهـن=منهن فوائد ومنهن ايضـا خسـاره
الدش كن له عند نـا اليـوم ثـاري=من ديرة أهل الغرب جا نا جبـاري
وخرب كبار العا يلـه والصغـاري=وخيم على أهل الحي في كل حـاره
وسط السماء حطوله اقمـار صنـاع=يبـث منهـا الشـر فيـه التخـلاع
وكل الـدول بهـا القنـوات جمـاع=غزون جلـب للمجتمـع هـز داره
ياكثر مابه مـن عيـوب وفضايـح=والي بليبـه حظـه اليـوم طايـح
يا أمـة الإسـلام ياهـل النصايـح=الدش وسط البيـت يهـدم جـداره
والثانـي الجـوال جـوال جـوال=غطى على الهاتـف وسمـوه نقـال
له منفعه وقت الضروره والاشغـال=ومضرته علـى الشبـاب ودمـاره
البنت تكشخ به اليا طبـت السـوق=والا بسياره بهـا الهنـدي يسـوق
والرقم من مطفوق في يد مطفـوق=واحدن يمين البنت واحـدن يسـاره
كلن خـذت رقمـه وزيـن آمـوره=قالـت بكلـم كـل واحـد بـدوره
تلعب ومن يلعب وقع فـي حفـوره=ونهايـت الجـوال فتـق الستـاره
يا أهل الغزل يامزعجين الرقـودي=ياللي بوسط السوق مثـل الهنـودي
شكله غريب وكن ماهـو سعـودي=يـدن بهـا الجـول ويـدن زقـاره
شباب طايش والبلى فيـه موجـود=لا فايدن دينه ولا كـا سبـن فـود
يبي يصيد وصار بالسوق مصيـود=وارجال الهيئـه امسكـوه ابـزراره
ثم سلموه الأمن وصـارت قضيـه=وحكم الشريعه مابـه اليـوم زيـه
حكـم عليـه الشيـخ بالجلـد ميـه=ويكمـل المـده بسجـن وخـفـاره
وهذي النهايه صرخته بين جـدران=يصيح بعالي الصوت يا ناس ندمـان
وعلى لسان فـلان وفـلان وفـلان=مابين ربعه صارت اكبـر عيـاره
والثالـث الا نترغـزانـا وجـانـا=شبـك جميـع النـاس يـادان دانـا
فـي عالـم الا نتـر تبعنـا هوانـا=له موقعن في كـل بيـت وعمـاره
لـه منفـع لهـل العقـول السليمـه=و له بالحكومه وجهزة الأمن قيمـه
لاكـن شـره للعقـول السقيـمـه=ومفتاحه ابيدك علـى شكـل فـاره
كم واحدن أعلـن خسـارة إفلاسـه=في عالم أخر انقلـب فـوق راسـه
في غرفته مبعد عن أهلـه وناسـه=يكتب ويرسل ضاع ضاعت أفكـاره
يقـول أنـا سويـت بالنـت باشـه=اراسل البنات مـن خلـف شاشـه
عرفت ليلي وبنـت خالـة قماشـه=ونوره وغاده ومعهن البنـت سـاره
شهرعلى هالحـال يكسـب ذنوبـه=مقلـب شبـابً العبـو والعبـوبـه
باسم البنات أغـروه واظهرعيوبـه=وبعد كشفهـم شـب بالقلـب نـاره
وأخذ بها عبره وصـارت تجـارب=وتعوذ امن إبليس وكـب النشايـب
ورجع لعقله واصبـح اليـوم تايـب=توبه نصوحه أشرقـت فـي نهـاره
وهـذي تراهـا موعظـه للشبابـي=وترى طريق الخيرهـو الصوابـي
ونصح بنات اليوم بلبـس الحجابـي=وكلن يغار بحفظ عرضـه وعـاره
والدين يا أهل الدين لا تجر حونـه=سـنـة محـمـد لازمِ تتبعـونـه
وترى السعـادة بالهـدى تهتدونـه=ومـن يتـق الله المعـزه شـعـاره
واد الفروض الخمس وأركان الاسلام=وصـل التهجـد والمخاليـق نيـام
واطلب عسى مثواك جنات الأ نعـام=وبجنـة الفـردوس تجنـي ثمـاره
وطع والدينـك واطلـب الله يثيبـك=أمـك وأبـوك الله عليهـم رقيبـك
وترى القطاعه تبعدك عـن قريبـك=ومن يقطع بوالديـه يؤخـذ بثـاره
لأمك ثلاث أحقوق وأبـوك واحـد=وبحقهم يالابـن لا تصيـر جاحـد
ومهما توفي مايجـي ربـع واحـد=ولامن رضوا عليك هـذي ابشـاره
ولا تقـول كلمـة أف للوالـد ينـي=ولا تنهر بصوتك تـراك الضنينـي
واخفض جناح الذل وارخ الجبينـي=وقل ربي ارحمهم ياراحم صغـاره
والجارلـه حـق ومعـزه عليـنـا=عليـه وصـى سيـد المرسليـنـا
وصى لسابـع جـار يـا مسلمينـا=كلـن يقـوم بواجبـه عنـد جـاره
ويالله ياللي يخشـع العبـد لرضـاه=يطلبـك عبـدك يرفـع أيديـه يالله
ابرحمتـك يـارب تغفـر خطايـاه=اهدايتك وارضـاك اكبـر تجـاره
ونصيحتي بأول وبـا خـر كلامـي=للأخـره يالعبـد شـد الحزامـي
والشعراختمه بالف وازكى سلامـي=على الرسول اللي مشى بالطهـاره

وعليكم السلام ورحمة الله وبركاته
هلا ومليون غلا وتو مانور المنتدى بأنضمامك لاخوانك
صح لسانك على الابيات الجميلة
تسلم على ماقدمته من ابيات
وتستاهل التقيم
بانتظار كل ماهو جديد لديك

وصدقت والله

وتـرى القطاعـه تبعـدك عـن قريـبـك
,,,,ومــن يقـطـع بوالـديـه يـؤخـذ بـثـاره

المشاركة الأصلية كتبت بواسطة مشعل بن غازي صح لسانك يابن مطر على هالثمينه ونصائحها الجميله وصدقت والله وتـرى القطاعـه تبعـدك عـن قريـبـك ,,,,ومــن يقـطـع بوالـديـه يـؤخـذ بـثـاره

المشاركة الأصلية كتبت بواسطة ღالوفا طبعي ღ ماجد مطر أهلاً بكَ بيننا وسعيدةٌ هي الذائقة حين ترى مثل هذا التواجد وصح لسانك على هذه الأبيات وسلمت قريحتك لما جادت به دمتَ بجمال العطاء وبحفظ الإله

المشاركة الأصلية كتبت بواسطة قنو الشمري حياك الله منور المنتدى بتواجدك وصح لسانك وعلا شانك وحياك الله للمره الثانيه بين اخوانك وخواتك اختك قنو الشمري