 |
 |
 |
 |
 |
 |
||
 |
 |
||||||
 |
|||||||
 |
|||||||
 |
|
|
|
|
|
|
|
|
|
|
|
|
|
||
|
|
||||||
|
|||||||
|
|||||||
|
|
|
|
|
|
|
|
08-20-2010, 09:23 PM
|
#1 |
|
عضــو جديد
|
سؤال من حربي لقبيلة شمر
السلام عليكم ورحمة الله وبركاته
اخواني واخواتي اعضاء منتدى شمر الكويت تحية طيبة وبعد اخواني انا اليوم جيتكم بسألكم سؤال من بعد اذنكم اخواني انا سمعت انه في عداوة بين شمر وحرب وانه حرب ما ياخذون شمريات للزواج وشمر ما ياخذون حربيات للزواج يعني الخلاصة انه ماكو نسب زواج بينهم ويعني ناس للحين ماسكة بمعارك قبل اذا كانت فيه معارك ويقولون لا ما نخاوي حروب وما نزوج لحروبب بناتنا وانا سألت الوالد يقول كذب بكذب قصص مؤلفينها ناس ما عندهم سالفة ويقول انا كل ربعي شمر وهذا صحيح يا اخواني الوالد مخاوي شمر بس انا بفهم اصدق كلام الوالد ولا كلام الناس المهم ما اطيل عليكم هل هذا صحيح انه فيه عداوة بين شمر وحرب ومافيه زواج بينهم ابي لو سمحتو كلام مفصل على سؤالي لاني صراحة لي الشرف اناسب قبيلة كقبيلة شمر بس انا ودي اعرف اتوكل واخطب لانه اخاف انرقض عشان العداوة بين القبيلتين ابي جواب لو سمحتو وشكرا لكم |
|
|
08-20-2010, 09:40 PM
|
#2 | ||||||||||
|
مؤسس
|
سبحان الله ! والله كنت قبل ربع ساعه ابي اطلع من البيت واروح لديوانية خوياي حروب عددهم الله يزيدهم فوق 15 رجال وزين اللي ذكرتني ابي اقصبهم كلهم هههههههه يابعدي انت هذولا حرب حرابة الدول والله وستين مليون ونعم خوتهم نوماس وقرابتهم شرف والله يالواحد فيهم تحطه على يمناك قول وفعل ولد عمي ماخذ حربية ورجل خالتي حربي ولنا الفخر في ذلك لا يابعدي الامور هذي كلها ان تطرقنا لها في مجلس فهي من باب الدعابات ولاتخلو قبيلة من القبائل بالماضي من معارك مع كل القبائل هل هذا يعني الانعزال التام ؟ ابد يابعدي انت توكل الله واخطب وعسى الله يكتب لك الخير الا من اي الحروب انت ؟  |
||||||||||
|
|
|
08-20-2010, 09:43 PM
|
#3 |
|
عضــو جديد
|
مشكوور وما قصرت
ولنا الشرف نناسب شمر طال عمرك انا طال عمرك من بني علي |
|
التعديل الأخير تم بواسطة مخاوي شمر ; 08-20-2010 الساعة 09:47 PM |
|
|
|
|
08-20-2010, 09:49 PM
|
#4 | ||||||||||
|
مؤسس
|
والله ونعم ومليون ونعم هذا طلعت انت بعد من القريبين رجل خالتي علوي وولد عمي ماخذ علوية يعني ميسرة امورك بإذن الله موفق خير يابعدي |
||||||||||
|
|
|
08-21-2010, 05:05 PM
|
#5 |
|
عضــو نشيط
|
ياخوي كل هالسوالف اللي بين شمر وحرب ماعتقد انها صحيحه..
بالعكس جاورناهم وتخوينا معهم ونعم الرجال ونعم الاخوه وتناسبنا معهم انا جدتي حربيه من الوهوب وخوال امي حرب وخوالي من الرضاعه حروب ومتواصل معهم ولله الحمد بالكويت والسعوديه وحدا بنات عمي مع حربي ولله الحمد متواصلين معهم واخذنا منهم وخذوا منا وترافقنا معهم بسفر وبالدوام وبالدوايين ونعم الرجال |
|
|
|
08-22-2010, 12:40 AM
|
#6 | ||||||||
|
ابو فهد
|
اقتباس:
حياك الله اخو الحربي وشرفتنا في منتدانا وهذي الساعة المباركة اولا مبارك عليك الشهر وتقبل الله طاعتك وبالنسبة لموضوعك انا راح اجاوبك بكلام مافيه مجاملة لا مهايط كلام واقعي وعليه ادلة وامثلة واسماء اشخاص احياء تقدر تروح وتسالهم بنفسك بالنسبة لسالفة العداوة بين شمر وحرب حاليا ليست موجودة نهائيا واما سابقا ايام العزوات والحروب الجاهلية كانت فيه بعض المناوشات البسيطة بين القبائل في الجزيرة العربية وبالنسبة لنا قبيلة شمر فحنا كان المنافس لنا في الجزيرة العربية قبيلة عنزة وبما انهم جيرانا ونشترك معاهم في اماكن الرعي والمياه فكانت اكثر حروبنا مع قبيلة عنزة الكريمة العزيزة علينا جميعا ولكن الحين مثل ما انت شايف الوضع في الكويت وكل مكان قبيلة عنزة اقب قبيلة شمر واكثر قبيلة تناسب قبيلة شمر وحنا وقبيلة عنزة الخال والبناخي والنسيب والجار والرفيق وقريبين لنا اكثر من اي قبيلة ثانية مع انه ي السابق هي اكثر قبيلة صات بينا وبينها معارك في نجد وعموم الجزيرة العربية يعني انتم اهون بالنسبة لقبيلة عنزة لان اللي حصل مناوشات بسيطة ومحدودة بسبب التنافس على اماكن الماء والعشب وهذا كان امر طبيعي عادي جدا بين القبائل لان العيشة تعتمد على الماء والعشب ولا كان فيه دولة قويةتحكم الجزيرة العربية او تقدر تفرض النظام على القبائل لذلك تكثر الحروب والغزوات والمعارك بين القبائل وازيدك من الشعر بيت في بعض القبائل حصلت معارك بين افخاذ القبيلة نفسها |
||||||||
|
|
|
08-22-2010, 01:29 AM
|
#7 | |||||||
|
ابو فهد
|
يعني بين شمر صارت معارك داخل القبيلة نفسها وكذلك بين افخاذ قبيلة حرب وجميع القبائل
وهناك نزاع حصل بين فخذين من افخاذ شمر وتم حله لاحقا بتدخل حكماء الطرفين بل بعض القبائل ذبح بعضهم بعض وهم من نفس القبيلة وعيال عم بسبب امور كثيرة ومتعددة نرجع لموضوعنا الزواج بين قبيلة حرب وشمر راح اعطيك امثلة واقعية وحية اولا أبدأ بنفسي أنا شخصيا انا من سكان منطقة الصباحية وجيراني حروب وربعي حروب واعز ربعي حروب وزملاءالمدرسة حروب وزملاء الجامعة حروب وزملاء العمل حروب وأزيدك من الشعر بيت علشان تتطمن اكثر انا ام عيالي حربية ومن روس حرب وكبارهم وجد عيالي هو المرحوم خلف راشد بن صليبي الحربي من بني علي واذا انت من بني علي اكيد تعرفه معروف ومشهور جدا في المنطقة العاشرة وفي مسجد باسمه في الفنطاس وكان يعرف على قبيلة حرب في الحصول على الجنسية الكويتية وهو من معرفين قبيلة حرب المعتمدين عند الحكومة الكويتية وكان رحمه الله معروف عند شيوخ القبائل وعينه الشيخ احمد الجابر الصباح اميرا على منطقتين في الكويت وكان يسمى امير المنقف وابوحليفة لما عينوا الصباح امراء على المناطق الخارجية وحطو المرحوم مرشد بن طوالة امير على المقوع والدبوس امير على الفحيحيل واذا انت من المنطقة العاشرة راح تعرف كلامي عدل واذا ماعرفته اسال الوالد وانا عديلي نايف راكان عبيسان الحربي ابوه من كبار قبيلة حرب في منطقة هدية ناس معروفين وعندهم ديوان في هدية و راكان عبيسان الحربي كان عميد في الجيش وحاليا نايف ولده ضابط في الجيش وهم من بني علي ايضا ولهم علم غانم وسمعة طيبة في النطقة العاشرة وعموم الكويت وانا عندي عيال من الحربية وانت من خوال عيالي يا الحربي وايضا جدي خواله حرب وولد عم جدي خواله حرب ومستعد اعطيك اي تفاصيل تبيها وانا رديت عليك بالتفصيل وكتبت معلقة لانك قلت ابي لو سمحتو كلام مفصل على سؤالي وفي مثال ثاني عندنا بالصباحية واحد من كبار شمر اسمه مانع سالم الربعية الشمري ابومحمد من كبار فخذ زوبع في الكويت مناسب قبيلة حرب اذا تعرف العم / مران رجيبان الحربي ابوفياض الله يطول بعمره عنده ولد اسمه الرائد / فهد مران رجيبان الحربي ضابط في الداخلية ماخذ بنت مانع الربعية الشمري والرائد فهد مران الحربي معروف في الصباحية رجال ملتزم وفيه خير ومن الرجال اللي نعتز فيهم ونعم الرجال هو وابوه واخوانه وعيال عمه كلهم شرواك رجال تحطهم على يمناك واخوانه كلهم رجال فيهم خير ومعروفين اهل نخوة وفزعة وشهامة ورجولة اعرف منهم فياض وفلاح وضيف الله وسعود وعبدالرحمن وعبدالعزيز واحمد وصالح وراشد وحجي وسعود هذولا بعض عيال مران رجيبان الحربي الله يحفظهم ويسامحوني الباقين اذا نسيت احد منهم رجال فيهم خير ورجال لهم قدر ومكانة عندنا وعند كل رجال فيه خير وفي مثال ثالث بعد خالد الاسلمي الشمري في الفحيخيل بيتهم معروف على شارع الجمعية مقابل صالة الدبوس اللي فيه نداف الاسلمي ماخذ حربية ام عياله هذي طبعا امثلة جديدة وحية وعطيتك امثلة قديمة وقلتلك خوال جدي حرب وخوال عم امي حرب وخوال ولد عم جدي حرب وجدة عيالي حربية خوال ابوها شمر تخيل مو خوالها الا خوال ابوها يعني نسبة قديمة مو جديدة واذا تعرف عماش القرن الحربي في منطقة صباح السالم بالمنطقة العاشرة مناسب شمر وله خولة مع اسرة الطوالة الكرام في حايل يعني خوالهم الطوالة في عقلة داني في حايل وله عندي وعند شمر مكانة خاصة ويغلونه شمر وهو يستاهل وفي امثلة كثيرة بس مابي اطول على القراء الكرام وارجو اني ريحتك واقنعتك وعطيتك البيانات بالتفصيل مثل ماطلبت بس ترى مو شرط شمر يعطونك لان الزواج قسمة ونصيب واحيانا ولد العم م يقدر ياخذ بنت عمه لان مثل منت عارف في عادات وتقاليد وسلوم عند البدو ان ولد العم اولى من اي واحد ثاني والشمري اولى من اي قبلي من اي قبيلة ثانية وحتى عندكم نفس الشي الحربي اولى في بنت عمه من غيره والحربي اولى بالحربية من اي قبلي من اي قبيلة ثانية وتوكل على الله اخطب واذا لك نصيب راح تاخذه ويشرفنا تكون نسيبنا واذا تبي واسطة ولا جاهية حنا حاضرين ومثل ما يقولون البدو كل بخيل الا بخيل الجاه يعني كل بخيل امره يهون لانه يبخل بالمال والمال عديل الروح الا اللي يبخل بالجاه هذا مافي اردى منه لانه يبخل بشي ما يكلفه مال ولا حلال وحنا نعين ونعاون واذا تبي اي شي راسلني على الخاص وابشر بالفزعة يا الحربي ومثل ماقال لك اخوي مشعل عقاب بن غازي الشمري ابوعقاب الله يحفظه حرب حرابة الدول وهذا الكلام معوف عند الجميع وهذا واحد من روس شمر يمدحك ويمدح ربعك وهو ابن غازي مشعل الغازي الشمري |
|||||||
|
التعديل الأخير تم بواسطة خالد بن رخيص النبهان ; 08-22-2010 الساعة 01:58 AM |
||||||||
|
|
|
08-22-2010, 02:06 AM
|
#8 |
|
عضــو جديد
|
مشكورين وما قصرتو ووفيتو وكفيتو يا الطنايا ونعم فيكم
ومشكور يا بو غازي عالرد ويا الجنفاوي ومشكور يا بن رخيص عالرد وما قصرت |
|
|
|
08-22-2010, 02:22 AM
|
#9 |
|
مؤسس
|
السلام عليكم ورحمة الله وبركاته أخوي مخاوي شمر كل الكلام اللي قالوه الاخوه كان صحيح العداوه كانت بعصر كان تحكمه الجاهليه أما الأن ونعم الخوه بين الشمري والحربي سواء بالنسب أو بالقرابه عن طريق الرضاعه وأن سالت شمري يعد الحق قله يالشمري من تحب من العرب يخاويك يقولك الحربي ونعم الخوه والنعم فيكم يا حرب وبكل القبائل وتشرفنا لوجودك معنا |
|
|
|
08-22-2010, 03:40 AM
|
#10 | ||||||||||
|
مؤسس
|
الله يطول لي عمرك يابن رخيص ماعليك زود على كلامك الطيب عزالله كفيت ووفيت بالشرح وليتك شارح قلبي علشان عقبك واقتبس كلامك لانك قلت اللي بخاطري وزياده الله يبارك فيك وبيض الله وجهك يالاصيل |
||||||||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| عزاوي لقبيلة شمر وبعض القبائل الاخرى | عبدالعزيز الاسلمي | شمر ( الماضى والحاضر ) | 38 | 09-19-2011 12:27 AM |
| فهد بن برغش التمياط يرثي أخيه فيصل بن برغش التمياط بصوت المنشد فارس النشمي | سعود الثابتي | الشعر المنقول | 6 | 11-16-2010 05:59 PM |
| قصيدة مدح لقبيلة شمر ( الطنايا ) | عزاه ياقلبن تعذب ولامات | الشعر المنقول | 5 | 07-04-2010 02:20 AM |
| لغز او سؤال اسلامي؟؟؟ | أحمر السكين | الثقافة الاسلاميه | 1 | 05-27-2010 09:28 AM |
|
|
|
|
كل ما يكتب فى منتديات شمر الكويت يعبر عن
رأى صاحبه ،، ادارة الموقع خالية الذمة والمسئولية عن ما يدار فى
الايميلات والرسايل الخاصة .
|
العرض العادي
