زحمة هموم وضيق بالي وعـبره=وطعون قلب وخاطر(ن) صار مكسور
وغياب خلي حط بي اليوم جمره=وتــفـوح عيني ومــيـهـا جـاك مـنـثـور
ويمناي تصفق بأوسط الخدحسره=وشـفاي سايل دمـها بعض مـقـهـور
والدرب مظلم وأسقط بـكل عـثره=وأقــوم وأسقط وأثـرني بـدرب معثور
مليت ناس(ن) مابها طـيب عشره=ومليت ناسن طبعـها الكــذب والــزور
مرتاح مره وضيق الأنفاس عشره=والحال مــال وداخلي جــور وعـسور
وين أنت ياللي قلت أباجيك بكره=غـيبـتك طالت وأصبحت عدة شهور
الناس قالو أرفض ان جاك عذره=والقلب قـال بغيتـك روح مـعــذور
تاهت سنيني وأبحث أيات دبـره=والعقل قال بترك الأنذال مــدبــور
يـامـوج عـجـل مــده وزيــل جـزره=بحر التواصل يغني عن كـل الـبـحـور
يـامــوج قـله صاحبك طــال صـبره=ولاعــاد شاف بدنيته ضحك وسـرور
وياموج كانه مخفي الـزيـن غــدره =قـلـه تراني بــالزمن عشت مـغـدور
ياكم جتني من ورا الناس كسره=وأسكت لأني بـكتم الأهـات مـجبور
ويـاكـم كسر(ن) بيدي أتـقـنت جـبـره=وياكم جبر(ن) داخلي صار مكسور
ويـاكـم شخصن جاني بضيق صدره=ويرتاح تالي من سمع مني الشور
الطيب مابي من ورا الطيب شكره=الشكر لله والثنى إن قلت مشكور
ويــامـوج قله خـايــف يـدش قـبـره=إلا ترا هـو بالــزمن عـاش مـقـبور
الليل قـلـه يـسـهـر إلـيـن فـجـره=يـطـلـع عليه وبـعـدهـا دايم يـثور
يـسـجد لـربه ويـدعي بـحـد نبره=ويـقول يـالله عـجـل بـرجعة النور
وجدي وجود اللي قضى كل عمره=بالسجن صابر هو متى ياتي الدور
علمني الوقت وعطى الراس خبره=والدرس يشرى لو بغو المال وقصور
إن كــان ودك بـالـفـرح والـمـسـره=وتـشـوف دنـيـا كـلها حــب وزهــور
الحال لاتشكي على الناس عسره=والهـم خـلـه داخل الــروح مـحـشور
مـاغـيـر رب الـكون وإن زدت ذكـره=بـتشـوف خير وحـالـك يصـيـر مـيـسور
الكون وشهو الكون وإن عاد لأمره =بـيـديـن ربـي صـايـر(ن) عـبـد مــأمــور
يالله عفوك وأطلب الحال ستره=والـجـنـه اللـي وسطها نـاخـذ الــحــور
ويازين ياللي قلت أباجيك بكره=بــصـبــر لأنـي بـكـتـم الأحزان مــجبور