دكتور جيتك يافتى الجود مضروس=ضرسي ذبحني يالسنافـي عـواره
مدري من الاعصاب والا من السوس=والا من القهـوه وشـرب الزقـاره
وانته بخيص ودارس بديرة الـروس=وشهادتـك امصدقتهـا الــوزاره
ماجبتها في واسطه وغـش وفلـوس=جات بطموح وقـو بـاس ونعـاره
شفلي دوا باللي عواره كما المـوس=اللـي متعبنـي بلـيـل ونـهـاره
كما مرتن امن الوجع قلت سنعـوس=كني معـه داخـل بهـوشٍ وغـاره
وكما مرتن طقطقت من سبته روس=خلانـي ارقـد والاوادم سـهـاره
تكفى طلبتك اشلعـه شلـع بالمـوس=وشيل العصب ياشوق نوره وسـاره

مشعـــل الضوي
صح لسانك على الابيات الجميلة
وكما قال المثل هم العرس ولا وجع الضرس
عسى ربي يشفيك ويعافيك
تسلم يدينك على ماخطت لنا من ابيات
بانتظار جديدك القادم بشوق

يهب الله يقطع ذكره هالملوي

ياربي ياصكك تقل مابهالدنيا أحد يوجعه شي كثر وجعك !

تكفى طلبتك اشلعه شلـع بالمـوسوشيل العصب ياشوق نوره وسـاره

ههههههههههههههههههههههههههههههههههههههههه

هذي اللي طالعتن من تسبد

الحمدلله على السلامة

وجعله مايتغصك نوبتن اخرى

وصح لسانك يابعدي

المشاركة الأصلية كتبت بواسطة عبدالعزيز مشعـــل الضوي صح لسانك على الابيات الجميلة وكما قال المثل هم العرس ولا وجع الضرس عسى ربي يشفيك ويعافيك تسلم يدينك على ماخطت لنا من ابيات بانتظار جديدك القادم بشوق

المشاركة الأصلية كتبت بواسطة مشعل الضوي الســلام عليكم ورحمة الله وبركاته !! يقول راشد الهجلي .. يامن يبشر شمرٍ شاخ بندر..كل القبايل من غلا ابوه تغليه ((يامل ضرسن كل ماقلت خندر..يشدا العظام ويسهر الليل راعيه)) ويقول احد الشعراء لا يحضرني اسمه ((الضرس يعباله عن السهر مقلاع..حتى تنام العين ماهي طلابه)) وانا ايضاً قلت ابيات بسيئ الذكر (الضرس) مع فارق التشبيه بيني وبين الشعراء الكبار اللي ذكرتهم .. اليكم القصه والقصيده .. البارحه لم يهنالي النوم من عوار ضرسي ويوم صليت الفجر اليوم وانا اروح لدكتور الاسنان وانا في قاعة انتظار المراجعين (طاق اللطمه من العوار) طلعن معي كم >>(ادري تقولون مريض ويقصد) لكن قلت خل اضيع الوقت ليا ما يجي دوري وقلت الابيات دكتور جيتك يافتى الجود مضروس=ضرسي ذبحني يالسنافـي عـواره مدري من الاعصاب والا من السوس=والا من القهـوه وشـرب الزقـاره وانته بخيص ودارس بديرة الـروس=وشهادتـك امصدقتهـا الــوزاره ماجبتها في واسطه وغـش وفلـوس=جات بطموح وقـو بـاس ونعـاره شفلي دوا باللي عواره كما المـوس=اللـي متعبنـي بلـيـل ونـهـاره كما مرتن امن الوجع قلت سنعـوس=كني معـه داخـل بهـوشٍ وغـاره وكما مرتن طقطقت من سبته روس=خلانـي ارقـد والاوادم سـهـاره تكفى طلبتك اشلعـه شلـع بالمـوس=وشيل العصب ياشوق نوره وسـاره وسلامتكم ..