الله لحد يـا مـا غزينا وجينا=ويـامـا ركبنا حاميات المشاويح
وياما علـى أكوارهـن اعتلينا=ويـامـا ركبناها عصير ٍ مراويح
ويـامـا تعاطت بالهنادي ايدينا=ويـامـا تقاسمنا حـلال المصاليح
وراك تزهد يا اريش العين فـينا=تقـول خيّال الحضر زيـن تصفيح
الطيـب ما هـو بس للضاعنينا=مقسّـمٍ بين الوجيـه المفاليـح
البدو واللي بالقـرى ساكنيـنا=كـل ٍ عطـاه الله مـن هبة الريح
يـوم الفضـول بحلّتك شارعينا=بالشلـف ينحونك سـواة الزنانيح
يوم انجمر رمـحي خذيت السنينا=واودعـت عنك الخيل صـمٍّ مدابيح
هـيّـا عطينا الحق هـيـّا عطينا=وان مـا عطيتنـاه والله لصيـح
أصيح صيحة من غـداله جنينا=وألا خـلـوج ٍ ضيعوها السواريح
يا عود ريـحان ٍ بعـرض البطينا=منـين ماهب الهوى فاح له ريح
لا خـوخ لا رمـان لا هوب تينا=لا مشمش البصـرة ولا بالتفافـيح
وخـد ٍ كمـا قرطاسة ٍ فـي يمينا=وعيـون نـجـل ٍ للمشقّى ذوابيح
ويا أبو نهـود تقـل فنجـال صينا=لا بقـاتٍ للقلب المشقّى ذوابيـح
صخـف ٍ بلطـف ٍبانهزاع ٍ بلينا=يـا غصـن مـوز ٍ هـزّه ناعم الريح

قصه اول مره اسمعها بس جد رووعه

يعطيك الف عافيه يابو طواله ولاهنت

ومتميز داائماً بكل مشاركاتك