بالله ياقلبي على ويـش نـاوي=تشد من ضيقه وتنـزل بضيقـه
حملتني حمـلٍ كبيـر ورهـاوي=شلته غصب لو كان ماني بطيقه
وعرضتني لمدوريـن الحكـاوي=اللي تصب القاز فـوق الحريقـه
ناسٍ تباشر بالمحن والسـواوي=وتثير مابين الشقيـق وشقيقـه
يالله عسى تكثر عليها البـلاوي=وتشوف ماشفته بعين الحقيقـه
من شان لامشيوا بهاك الخطاوي=دم البشـر هاك البشر ماتريـقـه
وأنا مدام أني على الصبر قـاوي=بصبر عسى بالصبر القى طريقه
وأزيد من ذكر الولي والدعـاوي=وأسجد لوجهه رب كل الخليقـه
واسرح مع شعري بقاعٍ خـلاوي=وأقطف من أزهار القصايد رحيقه
أنا لنظم الشعر بالحيـل هـاوي=من فكر راسي مايجيني سريقـه
ولاهي بمن حبه ولاني مخـاوي=أغوص في بحره وأطلع غريقـه
وأقوي عزومي بذيـك العـزاوي=اللي لنا فيهـا صكـوك ووثيقـه
عزوة هلي شمر كبار الهقـاوي=شوق الصديق اليا غدربه صديقه
لاقلت شمر والعقـال متسـاوي=يميل من فعل الرجـال العريقـه
يشهد لهم ذيبٍ من الجوع عاوي=عشوه يوم انه نشف مي ريقـه
ودلالهم تشهد عليهـا القهـاوي=وصحونهم والشاي يشهد بريقـه
ويشهد لهم رأكان وابن الفراوي=والجوف تشهد والفرات ومضيقه
تاريخهم مطمع على كـل راوي=مثل الذهب كلٍ طمع فـي بريقـه
وأرجي من اللي مايخيب الرجاوي=اللي عيونـه ماتغمـض دقيقـه
الواحد اللـي لكـل دأن يـداوي=اللي يسهل كـل أمـر ويعيقـه
عسى يوفقنـي لذيـك المناوي=ويجعل لي المخراج من كل ضيقه

المشاركة الأصلية كتبت بواسطة عبدالله العوشز مشعل صح لساااااانك يابعدي .. قصيدة جميلــة وتستاهـل التقيـيـم .. ولا تحرمنا من جديدك وتقبل مروري عبدالله .. المسعودي

المشاركة الأصلية كتبت بواسطة مـــشـــاري بن طــوالـه صح السانك يا ابو اسعوووووود ايه هذي احلى قصايدك صراحه مع احترامي لشاعريتك عسى الله مايحرمنا من مزيدك

المشاركة الأصلية كتبت بواسطة نافع بن طواله سجل اعجابي وبانتظار القادم وما عليك بكلام مشاري كل ما يجي منك حلو صح لسانك

صح لسانك يالسمي

إعجابي دونته هنا

وسجلني من ضمن الصفوف الاولى لمتابعينك


لاهنت